نص كلام الشيخ ياسر برهامى حفظه الله فى الفيديو المنتشر بعنوان برهامى يعترف بترتيبه للانقلاب ،بالمناسبة الفيديو كان عن مبادرة الدعوة السلفية لحل الأزمة المتعلقة بنتيجة انتخابات الرئاسة

نص كلام الشيخ ياسر برهامى حفظه الله فى الفيديو المنتشر بعنوان برهامى يعترف بترتيبه للانقلاب ،بالمناسبة الفيديو كان عن مبادرة الدعوة السلفية لحل الأزمة المتعلقة بنتيجة انتخابات الرئاسة والفيديو فى صالح الشيخ لا فى ضده حيث يبين جهود الدعوة فى حسم النتيجة لصالح د مرسى لكن هنقول إيه لمن إذا خاصم فجر حسبى الله ونعم الوكيل............ نص الكلام ""قلنا فى مجلس الإدارة نعمل ايه لازم نتحرك الوضع خطر، فقلنا نعمل مبادرة.. لقاءات ابتديناها بالمجلس العسكرى اللى حضر فى هذا الوقت اللواء عبدالفتاح السيسى كان فى وقتها مدير المخابرات واللواء عباس اللى هو مدير مكتبه دلوئتى وحصل كلام واضح جدا قلتله دم المصريين فى رقبتك ولابد من احترام نتائج انتخابات الرئاسة ....المهم قال لى الناس خايفة كل الناس خايفة انت تضمن الإخوان ؟ قلتله لا مضمنش الإخوان قالى خلاص عايزين نطمن الناس ...قعدنا نقول طب نعمل ايه لو النتيجة طلعت لصالح مرسى فقعدنا نصوغ مبادرة طلب هو صراحة إن هى تكون بضمان الدعوة السلفية وحزب النور وتعهُد إن اللى يخالف بنود المبادرة ينزلوا الشارع ضده وطلب إن المبادرة دى يكون فيها الآتى: الدعوة السلفية وحزب النور والإخوان المسلمين وحزب الحرية والعدالة يوقعوا عليها توقيع والمجلس الأعلى للقوات المسلحة ومجلس القضاء الأعلى ورئيس ووكيلى مجلس الشعب والمخابرات العامةوالأزهر... المبادرة دى تنص على توجيه رسالة طمئنة قوية لجميع مؤسسات الدولة بكافة أوساطها واتجاهاتها ..الحرص الكامل على دعم الدولة الحديثة بكافة عناصرها ... تقديم تعهد من قبل الرئيس القادم لمؤسسات الحكم تضمن الاستقرار داخل الوطن ...خلصنا من الكلام ده...تحديد صفة العلاقة بين المؤسسة العسكرية وكافة........انتهى الفيديو ""