من لم يقرأ التاريخ يتعب كثيراً ويُتْعب غيره يالتى قومى يقرأون التاريخ جيداً!!!!

اللي يقرأ التاريخ يستريح جدا اللي يقرأ موقف ( الاخوان ) مع فاروق قبل الثورة و اللي يشوف موقف ( الاخوان ) من الضباط الأحرار و دورهم في دعمهم و تأييدهم و اللي يشوف موقف ( الاخوان ) من ثورة يوليو و علاقة عبد الناصر بهم و مواقفهم حتى بعد اظهار عبد الناصر ظهر المجن لهم و اللي يشوف ما تعرض له ( الاخوان ) في سجون عبد الناصر و ما ترتب عليه من ظهور ( الفكر القطبي ) و ( جماعة التكفير ) * كل هذه الفترة الزمنية كان الفصيل الاسلامي الرئيسي هو ( الاخوان ) ثم شوف بعد كده الجماعة الاسلامية في الجامعة و ازاي انقسمت بعد تدخل ( الاخوان ) و شوف ازاي اتعامل ( الاخوان ) و ( الجماعة الاسلامية ) و ( الدعوة السلفية ) و ( الجهاد ) مع الواقع شوف ايه اللي حصل ل ( الجهاد ) و ( الجماعة الاسلامية ) و ازاي كانوا بيعايروا ( الدعوة السلفية ) انهم ( عملاء أمن الدولة ) و (جبنات ) عشان بينكروا عليهم شوف ايه اللي دفعته الدعوة الاسلامية كلها بعد عناد ( الجماعة الاسلامية ) و ( الجهاد ) شوف مين أكتر حركة اسلامية كانت بتتكلم عن (مبارك ) و أنه ( ليس ولي أمر أصلا ) بتأصيل شرعي و تجهر به في الكتب و الدروس ( اللي كانت بتتوقف حسب مزاج الأمن ) مش بمعارضة سياسية شوف مين أكتر حركة اسلامية كانت بتتكلم عن عقيدة ( الولاء و البراء ) في حين كان غيرهم بيهني القساوسة في الكنايس شوف مين أكتر حركة نشرت قضايا ( الحاكمية ) و ( الولاء و البراء ) و ( الايمان و الكفر ) بين الشباب الاسلامي بينما غيرهم كان بيقول عليهم ( بتوع الأوراق الصفراء ) شوف لما واحد يتلفق له قضية ( تنظيم لقلب نظام الحكم ) سنة 2002 و يدخل المعتقل مع مئات الشباب من ( الدعوة السلفية ) و الوقتي يقولك عليهم ( أمن دولة ) شوف مين اللي سعى لتكوين ( تنظيم سلفي ) على مستوى الجمهورية يحتوي الشباب السلفي يعلمهم و يربيهم و يفهمهم الواقع و في سبيل ده بقى أول واحد في وش المدفع اقرأ التاريخ عشان تستريح و تفهم و تقدر تحكم على الواقع اقرأ التاريخ عشان لما تشوف موقف ( الاخوان ) أيام ثورة يوليو و موقفهم في الجزائر من جبهة الانقاذ ....... تفكر ألف مرة قبل ما تتكلم عن موقف حزب النور النهارده اقرأ التاريخ عشان تشوف دفعنا أد ايه من دم أطهر شباب و أنضف شباب في مصر لما عاندت القيادات أيام عبد الناصر و من بعده أيام السادات و مبارك و كان اللي ينكر عليهم ( مؤيد للطاغية ) ! اقرأ التاريخ عشان مش كل اشاعة تطلع و لا كلمة تتقال تبقى ( ساذج ) و تاخد الكلمة أنها مسلمات ( دول قالوا على مبارك ولي أمر ) ( دول حرموا الخروج على مبارك ) ( دول عملاء امن دولة ) ( دول شغلتهم الوحيدة ضرب الاخوان ) اقرأ بقى بدل ما انت لسانك شغال ( هري ) و ( فري ) في أعراض المسلمين بدل ما انت شايف كل دووووووووول ( عبط ) و ( سذج ) و مبيفهموش في الواقع و لا في الشرع رغم انهم كانوا بيباتوا بره بيوتهم عشان يعلموا الناس ( قال الله و قال رسوله ) و أنت ساعتها ياما كنت لسه متولدتش أو قاعد تلعب بلاي ستيشن في ( الكافيه ) و مستني فيلم السهرة على ( MBC2 ) !!