فى سبيل الشرعية كله يهون دماء تهون أعراض تهون ولا إيه يا أم سيف شفتى الفتوى البرهامية حسبنا الله ونعم الوكيل فى ضيقى الفكر والعقل وعدم الإحاطة بالشرع

حوار داخلي .. عن فتوى برهامى !!!!!

#دعوة_الخالدين

أبو سيف اﻹخواني مخاطبا زوجته ..
تبا لبرهامي وبكار .. سمعتي الفتوى اﻷخيرة بتاعت برهامي .. قال إيه إنه لو تيقن الرجل هلاكه واغتصاب زوجته جاز له حفظ نفسه !

أم سيف .. أعوذ بالله ..

أبو سيف دا أنا أفديكي بدمي يامو سيف ،
يلا بقى استعدي النهاردة الجمعة وهننزل ف جمعة انتخبوا العر ..

أم سيف .. حاضر يا ابو سيف احنا فداء الشرعية ..

ابو سيف .. بارك الله فيك .. وإن شاء الله مرسي راجع ..

أم سيف .. إن شاء الله .. بس خد بالك يا بو سيف نزولنا فيه خطر عليا .. انت مش عارف إن ممكن يتقبض عليا دلوقتي من بلطجية الداخلية .. وعارف إني هناك ممكن أبقى معرضة للإغتصاب ؟!

أبو سيف .. عارف بس ﻻزم تنزلي .. الشرعية هي شرفنا وعرضنا ؟!

ام سيف .. طيب هتعمل إيه لو الشرطة اعتدت علينا وقبضت عليا ؟!

للأسف يا موسيف .. مش هعرف أعملك حاجه وﻻ أدافع عنك رغم إني عارف إنهم هيغتصبوكي ف السجن !

بس ﻻزم أفضل بعيد عشان أكمل المسيرة !

أم سيف متعجبة .. مسيرة ! .. بس انت كنت لسه زعلان من برهامي إنه أفتى بتقديم حفظ النفس على حفظ العرض ..وممكن يكون الراجل المستفتي ده برضه عنده مسيره !

إيه الفرق بقى ؟!

ابو سيف غاضبا .. يلا ياستي .. دي الشرعية .. فاهمة يعني إيه شرعية ؟!

ام سيف .. أيوه فاهمة

أبو سيف ..

منه لله برهامي وبكار !

قولي ورايا ..
انتخبوا العر
انتخبوا العر ..
...
#دعوة_الخالدين !
يتبع ..

مصطفى محمود