جريدة اليوم السابع مهتمة بموضوع ابراهيم عيسى عامله الله بما يستحق حول ما أثاره عن عذاب القبر ، وعاملين مانشيت بطريقة الماتشات السخنة ((عيسى والشعرواى Vs الحوينى وحسان)) بطريقة خبيثة اعتمادا على جماهيرية الشيخ الشعرواى عند جماهير المصريين وحبهم له ، ومع إنهم مدلسين على الشيخ الشعرواى وينسبون له كذبا أنه ينكر عذاب القبر إلا إنهم وصلوا لغرضهم وهو إن أغلب التعليقات على الخبر على نغمة :((انا مع رأى العالم الجليل الشعرواى وإن مفيش حاجة اسمها عذاب قبر وهو يجى ايه فى علم الشعرواى الحوينى ولا حسان دول..إلخ؟؟)) وبغض النظر عن إن دى لجان إلكترونية مُوجَّهة ودى سبوبة حلوة ينشط فيها الملحدين ومنكرى السُّنة على صاحبها الصلاة والسلام، إلا أن فيه شباب كتير جدا جاهل بدينه واللى بتنشره اليوم السابع وغيرها من جرايد الفتنة الليبرالية بتعتمد على انها تفتن الشباب الجاهل بدينه بطريقة مبارزة بين شيوخ واعتمادا على إن الشباب ده (مبيحبش أى حاجة تيجى من الدقون!)، طالما الدقون خدت موقف يبقى هو ياخد موقف ضده وش! وصارت ثوابت الإسلام فى حيص بيص بسبب أن #أمة_اقرأ لا عاوزة تفهم ولا عاوزة تقرأ ! وإنما صارت مسائل الدين أصوله وفروعه ماتش أهلى وزمالك !
أرجوا من الاخوة الدخول والرد بتعليقات على المقالة بالأحاديث وكلام الصحابة والأئمة .. لأن المقال ده واخد على الموقع أكتر المقالات قراءةً وتعليقـًا.
ليست هناك تعليقات:
إرسال تعليق