* الدعوة مش الشيخ ياسر لوحده ، مجلس ادارة الدعوة بيقعد وبيسمع كل واحد بيقول رأيه ويبرر كلامه وبعد كده بتتاخد اصوات ، ولكن الشيخ ياسر كما قلت آنفاً هو فرد في الدعوة ، وان كان هو اكثرنا حركه واكثرنا اتصال بالعلام والمسؤلين قد يكون عنده اخبار او معطيات ليست عندي او ليست عند الاخوة الجالسين ولكن مش هو دا الموقف النهائي مش الشيخ ياسر اللي بيحدده ، فيه اداره للدعوة بتحدد الموقف النهائي وتبلغه بيه ، وينبغي انكم تحترموا قرار الدعوه .
* مش عايز يفهم من كلامي ايضا اني اخالف الشيخ ياسر ، الشيخ ياسر من احب الاخوة لقلبي وأظنه ان هو فعلا من اولياء الله .
* كان الشيخ محمد - المقدم - كان قال كلمه زمان ، يعني ما ادريش هو موقفه ايه دلوقتي ، كان هو قال لما قابلته من شهر ونص تقريبا وكان من اقرب الكلام لان ناس نقلو عنه كلام في الحج وكان قبل ده قبل شهرين واكتر من ذلك ، قال انا معنديش المعطيات اللي الاخوه اخدوا بيها القرار عشان اقول دا صواب ولا خطا ، لكن لو عندي المعطيات احكم معنديش المعطيات.
* الشيخ محمد طبعا عنده انصاف لكن هو بعيد عن الاداره قريب من السنه ونصف ولكن الاخوه بيقعدوا وبيعرفوا الاخبار والبيانات الموجوده والموقف الحالي والشيخ محمدة بعيد جدا عن الاداره.
* الشيخ احمد حطيبه مع قرارات الدعوة قلبا وقالبا لكن هو مبيسافرش زي ما بنسافر مركز ف المسجد بتاعه ، وهو مشغول برساله دكتوراه ، لكن بالنسبة للدستور قال انا كلامي زي كلام المشايخ ، لكن هو مبيظهرش ف الاعلام ومش عايز ينقل عنه كلام كتير ، لكن موقفه مع الدعوة تماما.
(رؤيا مبشرة للشيخ ياسر)
* في رؤيا انا هاقولها مش من باب التزكية لنفسي او للشيخ ياسر ولكن عشان الاخوة يطمئنوا للموقف.
* احد اخواننا كان شاف ان انا والشيخ ياسر والشيخ سعيد ربنا يسلمه ويرده لدعوته ولبلده امنا ، شاف ان احنا الثلاثه في مكان وبعدين الشيخ ياسر طلع علي سلم مرتفع كده زي سلم المطافي ، وقف علي مكان عالي وبعدين انا قلت للشيخ سعيد اتفضل يا شيخ سعيد اطلع فقال انا مش هقدر اطلع عشان قلبي وعشان سني فطلعت انا جنب الشيخ ياسر ، فبيقول في واحد ضخم كده حط ايد عليا وايد علي الشيخ ياسر ، فكان ناس بتؤذينا فكان بيدافع عننا ، فهو سأل مين ده فقالو انه سعد ابن ابي وقاص رضي الله عنه .
* فطبعا الطلوع خير ، وطبعا سعد من السعاده ، ومبشر بالجنه واحد السته واحد العشره ، وكان يذب عننا .
* فعلي أي حال انا أذب عن الشيخ ياسر لانه ظلم كثيرا ، ولكن هو فعلا احسبه علي إخلاص وعلي علم وعلي عبادة وهو من اقرب الناس ليا .
ليست هناك تعليقات:
إرسال تعليق